125. CIUGO MUGWANJA CIA MUTHARABA-INI

 125. CIUGO MUGWANJA CIA MUTHARABA-INI

1.

Ciugo mugwanja cia mutharaba-ini,

Tungiciiga muno ngoro-ini ciitu.

Ciaturuta kumucaria Mukuri,

Uria watukuiriire muti-ini.

 

Chorus:

Tumucarie, Tumucarie.

Mukuri Mwathani witu.

Tumucarie, Tumucarie.

Mukuri Mwathani witu.

 

2.

Mukuri witu Jesu nioigire,

Mohere matiui uria megwika.

Nguo ciake magiciunira miti,

Ta uria mbere iyo kwarathitwo.

 

3.

Jesu niukandirikana wacoka,

Jesu akimucokeria akimwira

Itikia riu niurikorwo na nii.

Kuria maroho ma andu atheru mari.

 

4.

Kuuma riu uyu niwe maituguo,

Nawe maitu uyu niwe muruguo.

Ciugo icio nicio Jesu aririe,

Niundu wa kieha gia gutiga Arata.

 

5.

Naho hao hetagwo Gorogotha.

Jesu akianirira akiuga.

Eloi.

Eloi.

Ramasabakithani.

Ngai wakwa wandiganiria niki?

Wee Ngai Baba.

Ngai Baba,

Oya Roho wakwa riuuuu.

We Ngai Baba.

Ngai Baba.

Oya Roho wakwa riuuuu.

 

6.

Thakame yarikia guitika muno.

Jesu akiuga riu ninyotii.

Makimuhe thiki na kamurangi,

Akiuga riu uhoro niwathira.

 

7.

Na ciarikia gukinya thaa thita,

Gukigia nduma nginya thaa kenda.

Gitambaa kia Hekaru gigiatuka.

Kiugo giake kia muthia ni giki.

Comments

Post a Comment

Popular posts from this blog

122. MWATHANI OIGIRE MATUIRO

  122. MWATHANI OIGIRE MATUIRO 1. Mwathani oigire matuiro, Matakagaruruka, Na akiuga agacoka guka, Ta matuku ma Nuhu: Ta uria atonyire thabina, Thi ikininwo na gikuu.   Chorus: Kiiguei na inyui mumenye, No taguo, Mugatuirwo ni Roho ambata.   2. Ngai uria wa Iburahimu, Kihoti wa Jakubu, Ta uria acinire Sodomu, Loti arikia kuuma kuo: Gugitiririo ubiriti Na mwaki uhana mbura.   3. Jehova nianyaririre, Misiri akigegania; Na andu aria ahuranagira, Makiaga kumwihoka Nake akihita mwihitwa, Mathirire weru-ini.   4. Mithenya iria Roho akoiga, Nindanina magetha; Njangite migunda yothe, No mahuti ndatiga: Hindi iyo thi ni ikahihio, Na indo ciothe iria iri kuo.
Read more

107. ONA NDONA THINA RIU NDI GUKU THI

  107. ONA NDONA THINA RIU NDI GUKU THI 1. Ona ndona thina riu ndi guku thi Gutiri hingo nari ingitigira Rugendo rwakwa ndorete iguru.   2. Rugendo-ini rwakwa rwa guthii iguru. Giikaro kiega ngaturania nake Jesu anyonagia njira ya muoyo.   3. Ngatura muoyo ndakinya iguru Riri ni ihinda riakwa ria rugendo Nii ninjui wega ni ngahuruka.   4. Muturia muoyo undongorie, Na tondu nowe wanyonirie njira. Ya giikaro kiega ngatoranagia.   5. Mukwiruo inyuothe ukai mwitikie Muthenya wake wa kuhinga wira Na njira ya muoyo riu niguo turi   6. Ciana cia muoyo mwimenyererei, Morutani maingi ma kuhitithia njira Na ikeno cia thi-ino mwimenyagirire   7. Kirindi gia guku thi hingurai, Riu ni ihinda ria kumenya njira, Ya guthii muoyo-ini tigai kurega.   8. Giikaro kiega ningaikara, Ndakinya iguru ngaturanie nake, Jesu niwe njira na nowe muoyo.
Read more

106. MUTHIRO WA THI NI MUKINYU

  106. MUTHIRO WA THI NI MUKINYU 1. Muthiro wa thi ni mukinyu Wa kunyarirwo kwa aria atheru, Mambate mucii wa matu-ini.   Chorus: Mathina mothe ma guku thi. Na mbaara iria ciothe muonaga. Na ma cierekeire guthira.   2. Hindi ino niyo ya kugaya, Uthamaki wa Gaturume. Giti-ini kia Ngai kia unene.   3. Roho mutheru niaratwira, Tuiyurwo ni gukiririria Turi wira-ini wa Mwathani   4. Caitani riu ni muohore, Akarutwo irima ria nduma. Niguo ahitithie aria atheru.   5. Ngai muigua tha na mwendani Igua gukaya kwa ndungata Thi-ino yothe no ta weru-ini.   6. Hindi ni ginyu munyarirwo  Muitwo thakame ta Mwathani. Ritwa ria Ngai rigocithio.   7. Ngwaria Baba itari na itheru. Ngikwira wira ni muthiru, Hingura murango wa atheru.
Read more